C. Lalzarmawia hla phuah hrang hrang damkhawmna hla bu 'Ka Thupui Ber Nangmah Fak Hi' tih chu Zirtawpni zan khan tlangzarh a ni. Tlangzarh inkhawm hi Vanapa Hall-ah neih niin, Upa Dr. Ramdinthar Sailo chuan a tlangzarh a ni.  

Mizo ten hla phuah thiam kan neih zinga tha ber pawl C. Lalzarmawia hian tun hnaiah ringawt pawh thlaite duh leh sak nasat em em hla tha tak tak a phuah nual. Heng hlate hi kum lama la thalai deuhte phei chuan an sakpui thei deuh vek a, praise & worship-a an sak nasat ber berte an ni hlawm. 

C. Lalzarmawia hla tha tak takte hi zaithiam kan neih hrang hrang ten sain 'Family Worship' an buatsaih thin bawk a, YouTube lamah entu leh ngaithlatu an tam thin hle. Tun tuma a hla bu tihchhuahah hian hla 75 (tonic solfa) a awm a, hla phuah dan nen bu khatah dahkhawm a ni. Bu khat hi Rs. 500/- man a ni a, lehkhabu dawr hrang hrangah lei tur a awm.

Tlangzarh zan hian gospel singer tha ber berte nen hun hlimawm leh nuam tak an hmang a ni.