Aizawl: Chakma District Congress Committee hruaitute chuan Chakma Autonomous District Council-ah Congress leh BJP an thawkho tawh lo nia sawiin MNF President-in la thawkho anga a sawi chu thu dik lo a ni an ti.   Chakma District Congress Committee President Amit Kumar Chakma chuan MPCC President Lal Thanhawla chuan October 26, 2018 khan an thawhhona tihtawp a nih thu a puang a, October 29, 2018-ah thawhhona a tawp thu hi Governor-ah an thlen tih a sawi.   CADC-ah hian Chief Executive Member bakah EM 6 awmin BJP EM 3 leh Congress EM 3 te chuan CEM hnenah bânna an thehlut tawh nia sawiin tun dinhmunah CEM Shanti Jiban Chakma leh MDC 1-in CADC sawrkar an enkawl mek niin a sawi bawk.   CADC-ah hian MNF in EM 8, Congress-in EM 7 leh BJP-in EM 5 a nei a, MNF EM 1 hi a thih avangin tunah MNF hian EM 7 an nei mek.