ZALEN July 5, 2026: Hun engemaw chen Chakma Autonomous District Council-ah sawrkar siam thei an awm loh hnuah BJP leh ZPM tangrual chuan sawrkar an siam dawn ta a, Chief Executive Member atan Nirumpam Chakma thlan a niin Governor pawhin a pawmpui tawh.

Chakma Autonomous District Council a BJP leh ZPM thawkdun Chakma Democratic Alliance (CDA) a MDC 19 te chuan an hruaitu atan 6-Kamalanagar South bialtu MDC Nirupam Chakma chu thlangin Zirtawpni khan Governor chuan a pawmpui a. CADC a Governors rule pawh tihtawp nghal a ni. Nirupam Chakma hian ni 7 chhungin members thlawptu a nghah tawk leh tawk loh fiahna a paltlang a ngai dawn a ni.

June ni 23, 2026 khan BJP leh ZPM-te chuan Durjya Dhan Chakma, CADC Ex CEM leh District BJP President kaihhruaina hnuaiah Chakma Democratic Alliance Legislature Party an din a. Leader atan Nirupam Chakma (BJP) thlangin Deputy Leader ah Kali Kumar Tongchangya (ZPM), Treasurer ah Molin Kumar Chakma (BJP) leh Secretary ah Supreme Raj Chakma (ZPM) te lungrual takin an thlang a. Tun dinhmunah Chakma ADC ah hian seat 20 awmin BJP in MDC 10, ZPM in MDC 9 leh MNF in MDC 1 an nei mek a ni.

Picture - File photo