ZALEN July 8, 2026 : Chakma Autonomous District Council sawmpakhatna (11th CADC) Chief Executive Member atan vawiin khan Nirupam Chakma chu Lawngtlai Bawrhsap Donny Lalruatsanga MCS in rinawmna thu tiam tirin a la lut.

CEM a lakluh thar Nirupam Chakma chuan, Chief Executive Member anih angin a chakna zawng zawng, a tawnhriat zawng zawng leh a inpekna zawng zawng chu mipuite rawngbawlna atan a hlan vek dawn tih a tiam a ni.

Nirupam Chakma chuan, CADC- a sawrkar mumal leh ngelnghet tak awm tura hma latute, Mizoram Governor, Chief Minister, DCMA changtu Minister leh Chakma Democratic Alliance Legislature Pary - te chungah lawmthu a sawi a. CADC-ah huapzo, langtlang leh mipui sawrkar din tura hmalak a nih tur thu a tarlang a. Hmasawnna kawng hrang hrang- Zirna, Kawlphetha, kawngpui tha, thalaite tana hna thar siam leh a dangte ngaihpawimawh a nih tur thu a sawi.

CEM thar chuan, "Chakma Autonomous District Council chak zawk, hausa zawk leh nung zawk kan din ngei ka ring tlat a ni. Duhthlanna pakhat, thiltum pakhat leh inpekna pakhat nen thawk ho ila chakma Autonomous District Council tha zawk, thangtharte tan hnutchhiah turin theihtawp kan chhuah dawn a ni," a ti.

Tun dinhmunah Chakma ADC ah hian seat 20 awmin BJP in MDC 10, ZPM in MDC 9 leh MNF in MDC 1 an nei mek a ni.