ZALEN, Jan. 04, 2025: Ramhlui Venglai Cricket Club rawltharte chu Mizorama a thiam ber an ni ta a. Cricket Association of Mizoram (CAM) buatsaih, Under 19 Tournament (2024-25) final-ah Armed Veng Cricket Club rawltharte chu run 10-in an hneh.

Suaka Cricket Ground, Sihhmuia Inrinnia final khelhah hian thum vawra chak zawk, Armed Veng-in vawm hmasak an thlang a, an tifuh anga ngaih hman ni mah se Ramhlun Venglai bowler-te an ngam bik lo lo va, a tlawm zawkah an tang.

Vanlalchhuankima Ralte-in over riat a vawmah batter pali vawm hlumin Hmingthanpuia’n pahnih a vawm hlum bawk a. Over 40 khelh turah over 35.5-ah Ramhlun Venglai thi vekin run 115 chiah an tlin a, Armed Veng tan um tur hautak niin a lang lo.

Ramhlun Venglai tan hian K. Vanlallawmkima chu run vaw chhuak tam ber niin ball 49 a hmachhawnah run 25 a siam a. A vawm lamah pawh thawhhlawk, Stephen Lalawmpuia’n run 17 a thawh bawk.

Armed Veng hian run an mamawh chu tamin lang lo mah se Stephen-a (4/18) leh wicket thum laa run nga chiah petu, Rosangkima an ngam lo va. Lalhmangaihzuala Ralte-in ball 48-ah run 30 siamin Lalramluahpuia Zote-in run 19 vaw chhuak bawk mah se an thianten an pui tha tawk lo va, over 36.1-ah run 105 chiah an tlin thei a, run 10-in a tlawm zawkah an tang.

Under 19 Tournament hi December 18, 2024 atanga khelh tan kha niin club pasarih an tel a. First round chu knock-out-a khelh niin semifinal lut palite chu an intum kual vek thung a, a sang pahnihin final hi an khel ta a ni.

A team champion-pui zo lo mah se Armed Veng bowler, wicket 13 latu leh final-a run siam tam ber, Lalhmangaihzuala Ralte chu Player of the Tournament atan leh Best Bowler atan thlan a ni a. Run 217 vaw chhuaktu, Ramhlun Venglai batter Samuel Lalremkima chu Best Batter atan thlan a ni bawk.

CAM Under 19 Tournament Final

Suaka Cricket Ground, Sihhmui (January 4, 2024)

Armed Veng CC vs Ramhlun Venglai CC

Armed Veng CC won the toss and elected to bowl first

Ramhlun Venglai CC 115/10 (35.5 overs)

K. Vanlallawmkima - 25 (49)

Stephen Lalawmpuia - 17 (18)

Vanlalchhuankima Ralte - 4/13 (8 overs)

Hmingthanpuia - 2/18 (5 overs)

Armed Veng CC 105/10 (36.1 overs)

Lalhmangaihzuala Ralte - 30 (48)

Lalramluahpuia Zote - 19 (40)

Stephen Lalawmpuia - 4/18 (8 overs)

Rosangkima - 3/5 (7.1 overs)

Ramhlun Venglai CC won by 11 runs

Man of the match - Stephen Lalawmpuia, Ramhlun Venglai CC (4 wickets)

Individual Prize:

Player of the Tournament - Lalhmangaihzuala Ralte, Armed Veng CC

Best Batter - Samuel Lalremkima, Ramhlun Venglai CC (217 runs)

Best Bowler - Lalhmangaihzuala Ralte, Armed Veng CC (13 wickets)