Aizawl: Health Minister Lal Thanzara chuan Cancer Hospital thar sak niin a sawi a, he thu hi  Chanmari YMA Hall a National Programme for Prevention & Control of Cancer, Diabetes, CardioVascular Diseases and Stroke (NPCDCS)in an huaihawt World Cancer Day puala hun hmannaah a sawi a ni.  ‘Population based Screening of Common NCDs’ programme thar chu khuallian Lal Thanzara chuan a hawngin Population Based Cancer Registry chu a tlangzarh bawk. Minister chuan, “Nikumah cancer hospital sakna tur sum zinga mi cheng vaibelchhe 14.64 kan dawng tawh a, Zemabawkah Cancer Hospital changkang tak sak \an a ni tawh a, hmanraw changkang leh \angkai tak tak Europe leh hmun dang dan a\angtein kan la lut dawn a ni,” a ti a. Health Minister chuan Tata Trust a\angin mi an lo kal thu leh Mizorama hmalak an duh thu a sawi a, Mizoram chhungah ngei treatment lak anih theih nana cancer enkawlnate tihchangtlun tum a ni a, sorkarin tihhlawhtlin a tum chho dawn niin a sawi bawk. Mizoram doctor te an thiam tawh thu pawh sawiin, “Kan doctor-te an thiam tawh a, a hmaa phaia kalpui ngei ngei ngai \hin ang chi tam tak kha Aizawl ah zai an ni tawh a, damna tam takin an chang a ni,” tiin Health Minister Lal Thanzara chuan a sawi bawk. Lal Thanzara chuan ‘Population based Screening of Common NCDs’ programme thar hmangin thingtlang mite pawh tun atanga reilo teah an inentir thei dawn niin a sawi a, “Theihtawpa \awiawm turin mipuite kan sawm a ni,” a ti.