October 22, 2023; Lawngtlai East Assembly Constituency a BJP, INC leh MNF Candidate te chuan ZPM Candidate tura Nomination thehlut, Dr. Lorrain Lalpekliana Chinzah in Nomination a file na ah felhlel a awm tih hrechunga Returning Officer in a pawm chu dan palzutna a an ngaih thu leh pawi an tih thu thuchhuah intawm siamin an tarlang a, dan ang taka election kalpui a nih theih nan  thuneitu sanga zualko an tum thu an sawi.

Nimin Inrinni lama Scrutiny neiha thutawp siam theihlohna Lawngtlai East a ZPM Candidate Nomination paper ah Proposer zinga pakhat in a hming a sign loh vanga vawiin a ennawn leh a nih hnu ah ZPM Candidate in Nomination a File chu Returning Officer chuan a pawm a ni

Hemi hnu hian Lawngtlai East a BJP Candidate PNC Muankima, INC Candidate H. Zothangliana, MNF Candidate H. Biakzaua te chuan thuchhuah intawm siamin, ZPM candidate Scrutiny neih ah Dr Lorrain Lalpekliana Chinzah Nomination Paper hi Reject tur a ni a, Dan ah chiang taka a inziak chungin Abraham Beirazi Khithie , Returning Officer, 38-Lawngtlai East (ST)    Assembly Constituency chuan, "Technically    chuan ZPM Candidate leh a Proposers te thiltih dan a dik tawk lova....." ti chung si in " Dan     kalh zawnga kan lo rel a nih pawhin,     Dan tho in min la correct turah ngai ila' tiin ZPM Candidate Nomination      Paper hi a dik lo tih hre reng chungin a pawm sak ta a ni tih thuchhuah intawm an siam ah an tarlang.