ZALEN June 09, 2026 : Mizo Tlangval Captain Lalrinawma Sailo, Chanmari Veng, Aizawl chuan nimin khan Mihuaisen bik te Chawimawina sang ber te zinga mi Kirti Chakra award chu President Droupadi Murmu hnen atangin a dawng.

Kirti Chakra hi India sawrkarin mi huaisen chawimawina sang ber dawttu a ni a, 'bravest of the brave award' tia hriat lar a ni bawk.

Thudawn danin Captain Lalrinawma Sailo hian, Operation Sindoor-a Pahalgam beitu Terrorist pathum-te chu amahin a veh a, a kaphlum vek a ni. Indian Army pawhin Captain Rinawma operation hi 'The Cleanest Operation' an ti. Helho khan an silai an hmet puak ve hman lo.

Home Minister Amit Shah pawhin Parliament ah, “India ram tana phuba la tu ropui a ni” tiin. Captain Lalrinawma Sailo chungchang hi a lo sawichhuak tawh a ni.

Kirti Chakra Award hi Mizo zingah dawng thei pahnihna a ni a, Kum 1968 khan, Subedar Chalhnuna Lushai chuan he Mihuaisen bikte Chawimawina sang hi a lo dawng tawh a ni.