ZALEN May 28, 2026 : Art & Culture Department leh Department of History, Higher and Technical Institute, Mizoram (HATIM) ten Champhai district-a Dungtlang khaw bul a hmun hlui an zirchianna atanga a lan danin, 410-1830 A.D. inkarah tum li (4) lai Dungtlang hmun hluiah mihring an lo cheng tawh.

North Eastern Council, Shillong atanga fund an hmuh hmangin archaeologist pahnih Vanlalhuma Singson (Art & Culture Dept.) leh Dr. Lalhminghlua, Asst. Prof. (Dept. of History, HATIM) te chuan carbon sample an lak chhuah chu Beta Analytic, Florida, USA-in a test a, Nilaini khan Art & Culture Minister C. Lalsawivunga chuan result puanna hun hi a nei.

Carbon dating hmanga a lan danin, Dungtlang hmun hlui hi kum inchhangbung zatin an luah lo tih a hriat theih a, luah loh kum kar awl pawh kum eng emaw chen a awm a ni. Testing dang kalpui mek niin, chanchin kimchang zawk hriat theih an beisei thu Art & Culture Department chuan an tarlang.