American hmeichhe rapper Cardi B chuan hla thar a tichhuak dawn tih Twitter kal tlangin a tarlang. A hla thar tur hi 'Hot Shit' tih a ni a, a pui leh viau mai thei - tunkar Zirtawpni hian release a ni ang. 

Kum 29 mi Cardi B hian kuminah hla thar a la tichhuak lo a, nikuma a tihchhuah 'Up' kha a hnuhnung ber a ni. 'Up' hi a hit rem rem hle a, Billboard Hot 100 chart-ah kar eng emaw zat No.1 a hauh a, a hla hit 'WAP' pawh kha a hun lai khan kar li chhung zet Hot 100-ah No.1 a lo ni tawh bawk. 

Cardi B hi chhangchhe nu a nih ve tawh avangin hla thar a tichhuak zung zung thei bik lo a, kuminah pawh a reh deuh vang vang. Music video thar a tihchhuah tur thu social media kaltlanga a tarlan pawh hian fan te an phur hle a, an beisei pawh a sang ngei ang.   

Rap khawvelah hming chher hle mah se Cardi B hian album pakhat chauh a la tichhuak a, a dang kan la hmu leh lo. Kum 2018 khan a album hmasa ber 'Invasion of Privacy' a tichhuak a, Billboard 200 Album chart-ah pawh No. 1 a kai phak hial.