American hmeichhe rapper Cardi B chu microphone-a fan pakhat a vawm chungchangah thubuai siam sak a ni dawn lo tih police ten an sawi. 

'Bodak Yellow' singer Cardi B hian tun hnai khan Las Vegas-ah concert a nei a, a zai laiin fan pakhat chuan tuiin a lo theh. Tuia thehtu hi stage bul lawka ding a ni a, Cardi B hian a microphone ken lai chuan a vawm zui ve siah a ni! Fan pakhatin tuia a theh lai leh Cardi-i'n microphone-a a vawm let lai video hi a viral zui a, police ten an chhui nghal bawk. 

He case hi Las Vegas Metropolitan Police chuan bawhzui nghalin, Clark County District Attorney Office chuan evidence tha tawk awm loah ngaiin case hi an titawp zui a ni, tiin thuchhuah an siam. Cardi B aiawhte chuan Las Vegas Metropolitan Police Department hmalakna chu fakawm an tih thu an sawi ve nghal bawk. 

He tih lai hian video thenkhatah chuan Cardi B leh a DJ te hian khua a lum avangin concert chhimtute chu tuia theh turin an ngen niin sawi a awm a, microphone-a an invawm lai vel hi a ni em tih erawh finfiah a ni lo.