ZALEN February 23, 2026: Conservation Mizoramin kum 2021 atanga kum tina a buatsaih thin, Chapchar Awllen Sava Chhiarpui (CASC) 2026 hi February ni 16-21, 2026 chhung khan neih niin, mi 70 velin Zoram hmun hrang hrang, hmun 20 chuangah sava chhiarpui an kalpui a, he hun chhung hian sava chi hrang 205 chhinchhiah hman a ni.

CASC hi chawlhkar khat chhung hman thin niin, he hunah hian mahni remchanna hmunah sava te chhiarin chhinchhiah a ni thin a. Chapchar awllen laia ramsa pel, sava veh leh thangkam uar thin thlakna atana ruahman niin, a duh apiang tel theih a ni.

Kumina CASC kharna hun hi Sailam Village Council leh Sailam Ecological Conservation Society (SECS) te tangkawpin Sailam Bird Sanctuary, Sailam-ah hman leh a ni.

Censervation Mizoram chuan hmun tam taka sava chhiarpui kalpuitu te'n sava an tit thu leh air rifle zalen lutuk chuan nghawng a nei ngei niin an ngai a, nungcha tihlum thinte dapchhuah leh hremna pek kawngah thuneitu ten tun aia nasa lehzuala hma la tura an duh thu an sawi.

CASC Organizing Committee chuan mi tin an chhehvela nungcha tinreng leh an chenna humhim kawngah hma la zel turin an ngen a, CASC hi kum dangah pawh neih chhoh zel turin an ruahman a, he hunah hian tel turin mi zawng zawng an sawm a ni.