ZALEN November 10, 2023 : Diocese Catholic Hmeichhe Pawl (DCHP) Aizawl Diocese chuan vawiin ni 10th November, 2023 chawhma dar 11:00 Am atangin General Body Meeting an nei a, kum 2024-25 atana hruaitu tur an thlang nghal.

General Body Meeting hi Vicar General Rev. Fr. Joseph Lalbiakthanga’n Most Rev. Stephen Rotluanga Bishop of Aizawl Diocese India ram pawna Kohhran pawimawha a kal lai a nih avangin a ai awhin a hmanpui.

Kum 2024-25 chhunga DCHP kumpuan, Chanchintha Luka 6:38 – Pe rawh u, tichuan pekin in awm ang, tih thlawhchhanin “ Thilpeka rawngbawl,“ chu Rev. Fr. Joseph Lalbiakthanga’n memberte hriat turin a puang a. GBM ah hian kum 2024-25 chhunga DCHP Office Bearer tur mi paruk thlan a ni a, inthlan result hi DCHP Director Sister Ruth Zonunthari’n a puang a, chungte chu :

1. Lucy Vanlalhruaii – St. Mary’s Parish.

2. Mary Zothangliani – St. Andrew’s Parish.

3. Margaret Vanlalzami – St. Mary’s Parish.

4. Maria Hmangaihzuali – St. Andrew’s Parish.

5. Angeline Lalnunthari – Cathedral Parish.

6. Cecilia Ngurthanpari – St. Thomas Parish.

GBM ah hian Rorelna neih nghal a ni a, Catholic nau piang thar Baptisma an chan ni ah Parish /Branch CHP te’n Tawngtai sakna leh lawmpuina hlan thin ni se tih chu GBM a thurel tam tak zinga a langsar zual a ni.