ZALEN, October 05, 2025: Pathianni nileng khan Mizoram puma Diocese Catholic Thalai Pawl chuan Thalaite Ni 2025 an hmang a. He ni pual hian Aizawlah chuan thisen pek rûnpui huaihawt niin unit 51 an pe.

Kum 2005 atanga an hman tan, Thalaite Ni hi Mizoram hmun hrang hranga Catholic thalaiten an hmang a. City Parish chuan cultural day atana hmangin hnam thuama inthuamin St. Lawrence Parish, Ramthar Vengah an hmang.

Chawhmaah Mass Thianghlim neih niim chawhnuah fellowship hman chhunzawm a ni a, Diocese youth director-in Thalaite Ni thuchah a sawi bakah Diocese Zaipawl an zai a, Aizawla Catholic thalai tel an tam hle.

Thalaite Ni 2025 pual hian Catholic Thalai Pawl, City Parish Coordination Committee chuan Inrinni khan Ramthar Vengah vek thisen pek rûnpui an huaihawt a, an huam chhunga parish pakua atangin hmeichhia pasarih leh mipa 44-ten thisen an pe a ni.

Catholic Thalai Pawl hian Thalaite Ni hi thalaite intawh khawm nan leh hmasawnna atana thil pawimawh inhrilh hriatna atan an hmang thin a. He ni denchhen hian damdawi in hrang hranga hman tur thisen an pe thin a, kumin hian ZMC Blood Bank-ten an laksak a ni.