Aizawl April 2, 2024 : Foundation For Drug-Free Mizoram chuan vawiin hian Christ The King Cathedral Parish a Youth Catholic Students (Y.C.S) te zingah Life Skills Training an hman mekah drug awareness campaign neih a ni, tleirawl mi 175 te chu ruihhlo laka fihlim turin an intiam a ni.

He huna Resource Person Moses Lalremruata chuan Pathian in kan thluak chu ropui taka a siamah ruihhlo a tel lo tih sawiin; ruihhlo avanga an nun dahhniam phal lo turin a chah a. Mahni inthunnunna atangin thil tha a chhuak thin tih sawiin; inthunna tha ah ruihhlo a len ngai loh avangin mahni inthununna nei turin Y.C.S te a chah. He hunah hian tleirawl mi 175 te chu ruihhlo laka fihlim turin a intiam tir. Foundation For Drug-Free Mizoram hi school leh sunday school ah ruihhlo dona campaign nei tura sawm theih reng an ni.