Aizawl August 2, 2023: Zanin khan Governor Dr Hari Babu Kambhampati ruahmanna angin Central Agriculture University, Imphal Vice Chancellor Dr Anupam Mishra chuan Raj Bhavan-ah Governor a hmu a. Dr. Mishra chuan CAU, Imphal-a Mizoram atanga lehkha zir mek, zirlai te chuan Mizoram atangin zirna an chhuanzawm thei dawn a ni. 

Zirlaite harsatna sutkian a nih theihna tur hian July 31, 2023 khan MSU President Samuel Zothanpuia leh zirlai hruaitute te chuan CAU, Imphal a Mizoram zirlai tan hian Governor Dr Hari Babu Kambhampati hnenah hian ngenna an siam a. Governor hian a buaipui sak nghal a, harsatna an tawh chu chu zanin khan tih CAU, Imphal VC hian tih fel a ni tih Governor hi a hrilh a ni.

Dr Anupam Mishra, Vice Chancellor, Central Agriculture University, Imphal-in a ruahmanna ang chuan Mizoram atanga CAU, Imphal a zirlai te hi Imphal-ah an zawm ngai lovin College of Veterinary Science, Selesih ah exam an pe thei dawn a. Admission atana documents te pawh Aizawl-ah an thehluh theih a nih dawn bakah Class pawh online in an kal thei dawn bawk a ni.