Aizawl: Central Board of Secondary Education (CBSE) chuan online-a college leh university lecturer nih tumte paltlang tur National Eligibility Test (NET) form fill up theih hun chu April 12, 2018 thleng a sawn hla. NET form fill up theih hun hi CBSE-in a ruahman lawk dan chuan April 5, 2018 thleng a ni a. Hemi hun chhung hian fill up ve hman lo an tam avangin CBSE chuan a pawtsei a, hun la awm chhunga a rang thei ang bera an form fill up turte buaipui nghal turin ti ve hman lote chu a ngen bawk. Aizawl-a a hlawma man chawia NET form fill-up-sak tu dawr pakhat chuan internet lamah NET form fill-up-tute chu a hun tawp dawnah hian nasa takin an inhnawh tawt tih Zalen an hrilh a. Internet-ah a jam nasat thu leh an fill up hlawhtlin hleih theih loh thu an sawi a ni. April 12, 2018 a sawn a nih tak avang hian thawl nuam zawka form la fill up lo zawng zawngten an fill up theih beisei a ni a. NET hi Assistant Professor leh JRF leh Assistant Professor ni thei tura paltlang tur exam a ni a. April 12 hi in-register hun niin fee pek hun chu April 13 thleng a theih dawn a ni. NET exam hun hi July thla ah a ni dawn a. India rama khaw hrang hrang 91-ah exam centre a awm a ni.