ZALEN July 25, 2026 : FCRA Amendment 2026 chungchangah vawiin khan CM Bungalow-ah MKHC leh CCM hruaitu te nen Foreign Contribution (Recruitment) Amendment (FCRA) 2026 chungchangah Chief Minister ho in inkawmhona an nei. 

Chief Minister hova thutkhawmah hian FCRA Amendment 2026 dan siam that dan chungchang hi sawiho niin tuna Bill ang hi chuan pawm theih loh an ti a. Tihdanglam rawtna hi Memorandum hmangin sawrkar in lo buatsaih se. Chief Minister in Home Minister hnenah appointment lo buaipui se, MKHC leh CCM hruaitu te nen Delhi-ah Memorandum thehluh ni se tih rel a ni.

Chief Minister hian nimina Kawrthah North Village Council-in Deen Dayal Upadhyay Panchayat Satat Vikas, 2025 hnuaia "Clean & Green Panchayat," lawmman pakhatna an dawn lawmnaah FCRA chungchang hi MKHC leh CCM nen an sawiho tur thu a lo sawi tawh a ni.

FCRA chungchang Kohhran te nena sawiho naa hian Chief Minister hi Adviser to CM Lalmuanpuia Punte leh TBC Lalvenchhunga ten an tawiawm a ni.