Aizawl; Nimin khan Compassion East India, Kolkata enkawlna hnuaia mi Mualpui Child Development Center chuan kum 5 an tlin lawmna hun Salem veng YMA Hall-ah an buatsaih a, nilengin hun hman a ni. He hunah hian zirlai naupang 303 bakah zirlai nu leh pa, Local Council hruaitu te, MHIP, YMA leh khawtlang mipui te'n an tawiawm a, hun hlimawm tak hman a ni. NEI-UPC General Superintendent Rev. V.L Dika Sailo, Center Mission Head leh General Treasurer Rev. R. Lalrinsanga, Project Director leh Partner Advisory team lam atangin Rev. R. Laichhingpuia ten thuchah sawiin, khawtlang hruaitute leh nu leh pa te lam atangin fuihna thuchah an sawi a, zirlai naupangte'n Items hrang hrang an entir bawk. Mualpui child Development Center-ah hian naupang 303 awm mekin uluk taka an zirlai pui tu tur zirtirna pek an ni a, abik takin Football, Takewondwo, Dancing, Music, Drawing leh Tailoring lamahte Special Training pek thin an ni bawk.