Aizawl; Joint Electricity Regulatory Commission (Mizoram & Manipur) in April thlatir atang eng chhit man an tihsan chu tih hniam leh dan a awm em tih ngaihtuahin nimin khan Central YMA Central Executive Committee chu CYMA Office-ah an thukhawm. Electric chhit man tihsan chungchanga an zawhna JERC-in a chhan dan chu a fiah tawk lo tiin, CEC meeting hian zawhfiah leh nise an ti a. Electric chhit man (Bill) thar hi zirchiang zelin, pawl dang PRISM, Mizoram Consumer Union leh All Mizoram Farmers Union (AMFU) te thawhhopuiah sawm nise, a tul anga hmalak chhunzawm nise an ti a ni. CEC thukhawm chuan, Buhchangphai-a Assam Police leh Forest Deptt. mi leh sa ten thlam leh in tichhia a, thingzai leh ranvulhte an laksak te an rulh leh ngei theih nan Assam Chief Minister hnenah ziaka thlen tha an ti a, he an thu thlen hi Assam Chief Secretary, Hailakandi DC te hnenah a copy pek nise an ti bawk. Hemi chungchang hi ngun taka ngaihchan nise, ramri chu Mizoram sorkarin tuaihnumin, ramri hrula chengte hmasawnna ngaipawi mawh tura ngen nise an ti bawk.