Aizawl: Mizo Students Union chuan Zirtawpni kalta khan Mizorama Cement Company 8 te meeting an neihpui a, tlawm zawka cement hralh dantur an sawipui. MSU hruaitute chuan cement company te chu Mizoram ah CSR hmang ngei turin an ngen a, thla 3 chhunga hmalakna a awm lo a nih chuan a tul angin Police ah FIR thehluh an tum tih an hrilh. Hei bakah hian state dang aia cement man Mizoramah a to bik lutuk chu an hrethiam lo tih an sawi bawk a. State thenawm, Tripur-a tlangram nen khaikhinin cement bag 1 Rs. 100 lai maia a to bik chu mak an tih thu sawiin ni thum chhunga a to chhan sawifiah turin an ti bawk.