Aizawl April 1, 2023 : BJP Mizoram chuan central BJP sawrkar kaihhruaina hnuaia Union Home Minister Amit Shah-in Mizoram hmasawnna tur ruahman lawk anga a hawng thei chu BJP lawmawm an ti a, Central BJP-in thlei bik nei lovin rualkhai takin hmasawnna a kalpui an ti a, lawmthu an sawi. 

BJP Mizoram chuan, "Vawiinah hian BJP Sawrkar Narendra Modi kaihhruaina hnuaiah India ram chuan nasa takin hma kan sawn a, khawvel hmuhsit ni thin kha tun hunah chuan khawvel Leader tha-a thlanchhuah Prime Minister kan nei thei ta te hi Central BJP sawrkar ropui zia lanna a ni. BJP sawrkarin India ram min kaihhruai dan leh ram an enkawl dan en hian mi rethei leh mi hnuaihnung zawk te'n leirem kan rap ve thei ta te, mi hausa leh rethei kar zau lutuk tur an siam tha te hi a lawmawm hle a ni. Mizoram ah ngei pawh mirethei tam takin PM Scheme kan dawng thei ta te hi a lawmawm a, Central BJP sawrkar in mirethei min ngaihsak zia kan hmuh hian a lawmawm kan ti hle a ni," a ti.

Chuvangin vawiinah hian Mizoram mipui te hian kan ngaihtuah a, Mizorama chhungkaw tin te'n hmasawnna kan neih theihna tur leh mahni kea kan din theih na tur in MLA General Election lo awm tur ah pawh Mizoram mipui te'n ngaihtuahna fim tak nen BJP sawrkar kan thlan chhuah a, vawiina central BJP sawrkarin Mizoram tan a hmasawnna lungphum an phum ang hi, BJP sawrkarna ttate kan neih hunah chuan heng aia nasa, kan beisei aia nasa in NE State te'n a Development an hailuh ang khian kan ram milin kan la lut ve dawn a ni. Chung chu BJP sawrkar Mizorama a awm hun ah a lo thleng thei dawn a ni.

BJP Mizoram chuan, "Mizoram hmasawnna tur lungphum phum anih lai a, an sawrkar laia engti kawng maha hma la duh lo leh la thei lo, Congress Party ten an hruaitu Rahul Gandhi thlavang hauhna kawng zawh an nei hi Mizoram mipui te min hmusit hle ah kan ngai. India ramah Kum 60 chuang ro an rel laia khawvela ram retheia min chhuahtu te hian Mizoram an hmangaih chuan an Party awm mekna hi chhuahsana BJP-a inchhunglut mai turin kan sawm a ni," an ti.