ZALEN September 12, 2024 : Union Cabinet chuan 2024-25 atanga 2028-29 chhunga Pradhan Mantri Gram Sadak Yojana - IV (PMGSY-IV) kalpui a remti a, he scheme atana sum hman zawng zawng hi cheng vaibelchhe 70,125 a ni ang. Mihring chenna leh inkalpawhna kawng awm lohna hmun 25,000 ah kawngpui siam thar a ni dawn a ni.

Prime Minister Shri Narendra Modi kaihhruai Union Cabinet chuan Thawhlheni khan Department of Rural Development-in “FY 2024-25 atanga 2028-29 chhunga Pradhan Mantri Gram Sadak Yojana - IV (PMGSY-IV) kalpui” tura rawtna an thlen a pawm.

He ruahmanna hnuaiah hian kawngpui 62,500 km-a thui siam a ni dawn a, mihring chenna tlawhpawhna kawng awm lo hmun 25,000 ah hmalak a ni ang a, kawngpui thar siam a ni ang. Hemi atan hian Rs 70,125 hman tura ruahman a ni.

Cabinet-in phalna a pek dan kimchang chu hetiang hi a ni.

1. Pradhan Mantri Gram Sadak Yojana -IV hi financial year 2024-25 atanga 2028-29 chhung atan hman tan a ni. He scheme atanga sum hman zawng zawng hi Rs. 70,125 (Central Share cheng nuai 49,087.50 leh Sate Share cheng nuai 21,037.50) a ni.

2. He scheme hnuaiah hian ramhnuaiah mihring awm zat 500+, NE & Hill Sates/UT-ah 250+, special category area (Tribal Schedule V, Aspirational District/Block, Desert area)-ah unconnected habitation 25,000 leh LWE nghawng district-ah 100+, 2011 Census angin a huam ang.

3. He scheme hnuaiah hian engtik hun pawha hman theih (all weather roads) kawngpui Km 62,500 chu siam a ni ang. All-weather road alignment-a kawngpui mamawh siamna tur pawh ruahman a ni ang.