ZALEN July 27, 2026: Prison Ministry India, Mizoram Unit leh Aizawl Diocese Health Commission te tangkawp chuan Central Prison & Correctional Home, Aizawl (Central Jail, Aizawl ni thin) ah July 25, 2026 khan Medical Free Clinic an nei. Damdawi a thlawna sem nghal an ni a, heng damdawi te hi Doctor leh mimal tlawmngai ten an thawh khawm a ni a.

Free Clinic hi Prison lam hotuten thahnemna vangin chhun lock-up hawn hmain neih tan a ni a, tlai dar 4:00 velah an zo a ni. Free Clinic buatsaihtu lam chuan tlawmngai tura Doctor an sawm ten an rawn tih hlawhtlin sak avangin lawmthu an sawi a. Doctor te hi Department hrang hrang Orthopeadic, Medicine, Eye leh Dental atangin an vaiin Doctor 8 (pariat) ten inmates te an en a, damdawi sem chhuah atanga a lan danin inmate mi 500 vel bawr en hman anga ngaih a ni. Heng damlo entute doctor lo pui bawm tur hian Nurse pawh thahnem tak an in volunteer a, bakah PMI, Mizoram Unit atang leh Commission atangin damdawi lo thliar tur mi engngemaw zat an in volunteer bawk a ni.

18.07.2026 khan Central Women's Prison & Correctional Home, Aizawl ah (Central Women's Jail, Aizawl ni thin) Free Clinic hi neih a lo ni tawh bawk a. Hetah pawh hian hmeichhe lam doctor leh Medicine lam doctor te tlawmngaiin an thawk chhuak thei kha clinic buatsaihtu lam chuan lawmawm an ti bawk

Free Clinic nei thei tura phalna petu Prison lam thuneitute chungah leh doctor te leh Nurse te PMI/Commission atanga volunteer kal zawng zawng te chungah hian lawmthu an sawi bawk.