ZALEN September 25, 2024 : Mizoram Rajya Sabha MP K. Vanlalvena chuan Union Minister of Agriculture Shivraj Kumar Chauhan leh Commissioner of Horticulture Prabhat Kumar te a hrana a hmuhna atangin Kuhva chin khapna thuchhuah Central sawrkarin a chhuah loh thu an sawi ve ve niin a sawi.

Vawiina chanchinthat thehdarhtute a kawmnaah K. vanlavena chuan, "Mizoram Chief Minister Pu Lalduhoma'n Assembly session a a thusawi India sawrkarin kuhva chin a khap tawh ni awma a sawi avanga Mizorama kuhva chingtute leh chin tuma hma la mek tute manganna tawh thu Agriculture Minister hi ka sawipui a, Pu Shivraj Kumar Chouhan hian chutianga kuhva chin khapna thuchhuah Central sawrkarin a chhuah loh thu leh chutiang thuthang chu thu diklo a nih thu hmai hma ngeiah min hrilh a ni," a ti.

"Hei mai bakah hian Commissioner of Horticulture Prabhat Kumar pawh Dt. 20.9.2024 khan hemi chungchang hi ka sawi pui leh a. Ani pawhin Kuhva chin khapna thupek Central sawrkarin engmah thuchhuah a neih loh thu a sawi ve leh bawk. Heng te a nih avang hian Mizorama kuhva chingtute leh chin zel tumtute tan mangan na tur a awm lo a ni tih Zoram mipuite hriatah ka puang duh a ni," a ti bawk.