Central YMA & Art & Culture Dept.artment buatsaih zaipawl intihsiak chu top 5 result puan a ni a, finalist te hi October 13 zanah an intihsiak leh dawn a ni. Top 5-ah hian Branch paruk (6) an tling a, heta tang hian a thiam ber thlan chhuah leh tur a ni ang. 

Top 5-a langte hi - Ramhlun South Branch YMA, Durtlang Branch YMA, Ramthar North Branch YMA, Dawrpui Branch YMA Zaipawl, Bethlehem Vengthlang Branch YMA leh Bawngkawn Branch YMA te an ni. He zaipawl intihsiak hi Aizawl khawpui chhung Branch te tana buatsaih a ni a, a hmingah 'RAMNGAIH HLA ZAIPAWL INTIHSIAK' tih a ni. 

Intihsiak hi October 10, 2022 khan Vanapa Hall-ah tan a ni a, YMA Branch 35 ten hming an pe lut a, rokhawlhna avangin Branch pakhat an rawn tel thei lo thung. YMA Branch 34 atangin zaipawl member 1337 ten inelna hi an nei a, Branch mala  YMA Zaipawl member tam berna chu Dawrpui Branch YMA Zaipawl an ni niin member 64 an awm a ni. 

Endik tur hian - Pu F. Lalthanmawia (Bungkawn), Pu Zothanmawia (Khatla), Pu K. Lalbiakthanga (Durtlang), Pu L.V. Dawnga ( Chaltlang) leh Pu Lalpiangliana (Damveng) te ruat an ni. Top 5-a tlingte hian October 13, 2022 chawhma 11:00 AM atangin intihsiak an nei leh ang a, result puan leh lawmman semna hun hman a ni nghal ang. He intihsiaknaah hian lawmman 1-na - Rs. 100,000/- 2-na-Rs. 70,000, 3-na Rs. 50,000 leh 4-na & 5-na in Rs. 20,000/- an dawng ang. Tin, inmtihsiaka zaipawl tel zawng zawngten Rs. 10,000/- an dawng bawk ang.

Top 5 tling Branch parukte :
1. Ramhlun South Branch
2. Durtlang Branch 
3. Ramthar North Branch
4. Dawrpui Branch
5. Bethlehem Vengthlang Branch
6. Bawngkawn Branch