ZALEN January 10, 2025 : Vawiin khan Phaikhou, Damcherra, Tripura-ah Young Chorei Association (YCA) buatsaih Khambar Kut chu Central YMA general secretary Prof. Malsawmliana leh hruaitu dang ten an hman pui. 

Khambar Kut hi kumtinin January 9-11,2026 ah YCA hian an hmang thin a. Kut hmannaah hian Prof. Malsawmliana chuan, “Zofate hian Kut chi hrang hrang kan nei a, chung zingah chuan pawimawh bik leh pawimawh lo bik a awm lo a. Mipuiin kan hlut bik leh mipui nawlpui huap lo Kut te erawh a awm thung. Heng Kut te hi hnam inpumkhatna atan te, nunphung leh tihdan hlui chhawm nun zelna atan te, nihna (identity) humhalhnan te an tangkai a. I hmang uar zel ang u," a ti.

CYMA General secretary chuan Chorei tawng leh nunphung te pawh a dal zel lohna turin theihtawp chhuah zel tur leh inchimralna laka inveng zel turin a chah. Chorei mipui ten harsatna an tawh leh thil danga puih ngaihna a awm chuan Central YMA a inhawng reng a ti bawk.