Central YMA hruaituten mawhphurhna an inhlan

November 2, 2023; Ni 30.10.2023 tlai dar 3 khan Mizorama tlawmngai pawl lian ber, YMA inkhaikhawmna Central YMA hruaitu hlui leh hruaitu thlan tharten mawhphurhna an inhlan a, hruaitu thlan tharten Office Bearers Meeting an nei zui nghal bawk.

Kum 2021-2023 President R. Lalngheta chuan kum 2023-2025 chhung President atana thlan thar, Lalhmachhuana hnenah CYMA President mawhphurhna a hlan a. Vice President nilai Lalhmachhuana'n Vice President atana thlan thar Prof. Lalnuntluanga hnenah mawhphurhna a hlan a. General Secretary nilai Prof. Lalnuntluanga chuan General Secretary atana thlan thar Prof. Malsawmliana hnenah mawhphurhna a hlan a. Asst. Secretary nilai Prof. Malsawmliana chuan Asst. Secretary atana thlan thar Fabian Lalfakawma hnenah mawhphurhna a hlan bawk. Treasurer nilai Fabian Lalfakawma chuan Treasurer atana thlan thar Roneihthanga hnenah a hlan a. Fin. Secretary nilai Roneihthanga chuan Fin. Secretary atana thlan thar MS Ralte hnenah mawhphurhna a hlan bawk a ni.

President kal chhuak, R. Lalngheta chuan YMA chu a thisena bet tlat tawh a ni a, hruaitu ni lo mahsela, a theih tawpa a YMA reng tur thu leh hruaitu tharten an mamawhna apiangah a tawiawm reng tur thu a sawia, ram leh hnam tan leh YMA tan theih tawp chhuaha hmalam pana ke pen turin a fuih bawk a ni.

Hruaitu thlan tharte hian President Lalhmachhuana hovin Office Bearers meeting neih zui nghal a ni a, YMA Dan Bu Bung - VI chang 4, sub no. (ii) in a sawi angin, Central Executive Committee Member tur mi 20 ruat turin an thukhawm nghal a, an ruat chhuah te chu :

1. R. Lalngheta, Hlimen

2. Vanlalruata, Tuikual South

3. Peter Chhakchhuak, Maubawk

4. Lalbiakzuala, Khatla

5. J.H. Zoremthanga, Kanan

6. Lalrammuana, Dawrpui

7. K. Lalthanmawia, Electric Veng

8. Lalhruaitluanga, Chaltlang

9. Zochhuana, Zemabawk

10. Er. H. Duhkima, Dam Veng

11. R. Lalchhandama, Model Veng

12. Er. Lalrinmawia, Luangmual