ZALEN November 14, 2025: Vawiin tlai khan NHIDCL leh an hnuaiah Contractor (Sairang leh Vairengte inkar kawng siamtute) te chu Central YMA chuan Office ah leng ah an sawmin an inkawm a, an hmalak tum dan te an lo hrilh. 

Ni 08.11.2025-a Central YMA in Sairang - Vairengte inkar kawng a en tum a hmalakna kal mek leh kalpui zel dan tur sawiho a niin kawng siam mek hi December chawlhkar hmasa berah Central YMA chuan tlawh nawn leh a tum thu leh chumi hunah chuan hmalakna uluk zawk a en tum a nih thu hrilh an ni. 

Contractor te hian December 20 chho ah Kolasib leh Rengtekawn inkar chhe lai zual hi Black Topping tih hman an tum thu an sawi. Buchali leh Khamrang inkar pawh Contractor te hian December 20 chho velah black topping tih an tum thu an sawi a, Central YMA chuan Sairang leh Vairengte inkar kawng siamthat mek chu enpui reng a tum thu an hrilh bawk. 

Inkawmhonaah hian NHIDCL Executive Director Adelbert Susngi leh a hotu dangte an tel a, Contractor 3 an tel bawk. Central YMA lam atangin President R. Lalngheta leh hotu dangte an tel bawk. 

Vawiin vek hian Barak Valley Cement Limited (Valley Strong) hotute pawh Central YMA office-ah lengin Central YMA hruaitute te nen inkhawm hona neih a ni a. Mizoram-ah Rel a lo luh hnu ah pawh Cement man la tlawm theilo chungchang sawiho niin hemi kawngah hian hmalakna kalpui dan tur kawng ngaihtuah nise tih a ni.