ZALEN November 15, 2024 : Ni 14.11.2025 (Ningani) zan khan Central YMA in Chin Baptist Church (CBC) USA hnuaia Women’s Department hnen atangin ruihhlo dona atan Rs.10,00,000/- a dawng.

CBCUSA Women’s Department te hian kum 2022 atang khan Central YMA hnenah ruihhlo dona tur hian sum an pe thin a. Tun tumah hian kum hnih (2024&2025) chhung atan Rs.10,00,000/- an pe leh a ni. Ruihhlo dona sum hi Central YMA President Lalhmachhuana leh hruaitu dang ten an dawng.

CBCUSA hruaitute leh Women’s Department hruaitute hi Mizoramah rawn kalin nizan khan Hotel Emerald-ah Central YMA hruaitute, MHIP leh All Mizoram Women’s Federation (AMWF) hruaitute nen an inkawm a. He hun hi Prof. Lalnilawma, Minister te nupa in an tel pui bawk.

Central YMA chuan CBCUSA Women’s Department chungah lawmthu an sawi a, Mizoram a ruihhlo hluar zel an vei pui a a dona tura sum leh pai thahnem tak an pek thin avangin lawmthu an sawi tak zet a ni.