ZALEN December 6, 2025: Central YMA leh PWD hotu ten vawiin khan PMGSY hnuai Hlimen leh Lungleng inkar kawng siam mek an enfiah a. Central YMA atangin R. Lalngheta President leh CEC member 14 an kal a, PWD atangin a bialtu EE leh JE te an kal bawk. 

PMGSY hnuaia helai kawng siam hnathawk mek tu Contractor te hian hna an thawk muang nia hriat a nih avangin Central YMA te hian an en a, Contractor te chu chak zawk a thawk turin an ngen. 

Central YMA President R. Lalngheta chuan, "YMA chuan thil tha kan duh a, chak tak si, tha tak si a thawh hi kan duh a ni. Helai hnathawk tute pawh Mizo tho in nih avangin kan ram tan theihtawp chhuah ve ula kan duh, in thawk tha duh dawn lo emaw, in thawk tha thei dawn lo anih chuan, midangin thawk mai rawh se tih hi YMA chuan kan tihthiam ve dan a ni mai ang" tiin Contractor te a fuih.

Kawng enfiahnaah hian Samtlang, Lungleng North leh Lungleng-I Branch hruaituten an lo tawiawm bawk.