Aizawl September 17, 2024 : CESJ hruaitute leh DIG Assam Rifles ten an lo sawi dun tawh, AR Lammuala tuiluankawr (drainage) mumal lo leh chumi avanga Bethlehem leh Tuithiang lam ngaw lei min a hlauhawm thu an sawi chu tukin zing khan CESJ hruaitute leh Geologist te nên endik.

CESJ chuan AR Lammualah hian tuiluankawr mumal pakhat mah a awm lo tih chu an hmuh dan a ni a, heng tui luanchhuahna mumal lo takte hian a thlang lam vengte dinhmun hlauhawm zawkah a din tir bawk niin a lang.

Aizawl khawpui chhûnga tuiluankawr (drainage system) mumal lo hian lei min hlauhawm thei tam tak a siam thin avangin mipui an him zawkna tur atana ruahmanna tha zawk leh mumal zawka kalpui thuai a tul a.

He mi kawngah hian sawrkar pawhin ngaih pawimawhah dah hmasain hma la vat turin an beisei.

AR-te chhuahsan tur ram hi mipui tana hman ṭangkai a niha thing leh maute tirem lo zawnga hma lakna pawh MoU-ah awm ngei se tih chu CESJ chuan an duh a, hei hi DIG an sawipui tawh bawk.

Sawrkar pawhin mipui tana Aizawl chuap a nih theih nana hmang turin an duh a, thing leh mau tichereu loa sawrkar leh mi mal building-te a din loh nan CESJ chuan hma an la zêl dâwn a, he mi kawnga hmalatu chu an thawhpui zêl dâwn tih an sawi.