ZALEN Nov 28. 2025: Centre for Environment and Social Justice (CESJ)-in Assam Rifles chhuahsan rama Convention Centre sak an duh lo a, Advisory Committee atanga banna an thehlut.

Vawiin chhun khan CESJ hruaitute chuan Aizawl Press Club ah thuthar thehdarhtute kawmin, AR chhuahsan ram chu mipui len vahna thengthaw nuam leh boruak thiamhlim petu atana zuah an duh avangin Laldenga Cultural Centre sak tum pawh cancel turin an lo ngen tawh tih an sawi.

Tuna Convention Centre sak tura thutlukna siam a ni leh chu tha an ti lo tih sawi bawkin hemi avang hian AR ram chhuahsan hman dan tur ngaihtuahtu, Advisory Committee on Assam Rifles Land Handes Over to the Govt. of Mizoram atanga an inhnuhdawhna lehkha vawiin khan Chief Minister hnenah an theh lut tih an sawi.

#ZalenNews