Nizan Premier League-ah club huhang ngah leh tun hnaia chanchin ngah tak Manchester United leh Chelsea te Old Trafford-ah inkhelin 1-1 in an inhnehtawk. C. Ronaldo leh Alonso ten goal an thun ve ve. 

Season thara UEFA Champions League khelh hram tum United leh table lama pathumna hauhtu Chelsea hian point khat ve ve an hlawhchhuak a, nizan result vang hian United tan UCL khel phsk tura beiseina a hniam tawh hle a, an chunga awm  Arsenal leh Tottenham te lehpel tur chuan thil mak a thlen a ngai tawh maithei.  

Inkhelhah hian mikhual lam chungnung zawkin ball possession 67% changin shot vawi 20 an nei a, mahse goal zawnah a lut tam lo thung. Dan ngaitein Man United goalkeeper David de Gea a rim leh a, inkhelh chhung zawnga player langsar ber a ni bawk. Kai Havertz, Kante, Reece James leh Havertz-a head a dan sak te chu ropui tak a ni. 

Old Trafford inkhelah hian minute 60-ah Marcos Alonso chuan Chelsea tan goal hmahruai a thun a, minute khat lek a liam tihin Cristiano Ronaldo chuan an siphurh a sut ve nghal. 

Game 33 khelh atangin Chelsea hian point 66 hmuin table-ah 3-na an luah a, palina Arsenal nen point 6-in an inthlau. Manchester United chu 6-naah awmin an chung chiaha awm Spurs aiin point 3-in an hniam a, palina Arsenal point 5 zetin an thlau a, game hnihin an khel tam zawk bawk. 

Line-ups
Man Utd XI: Ronaldo, Matic, De Gea, Alex Telles, Lindelof, Varane, Bruno Fernandes, Dalot, Rashford, McTominay, A. Elanga
Subs: Heaton, Mata, Jones, Bailly, Dean Henderson, H. Mejbri, S. Shoretire, Alejandro Garnacho, Álvaro Fernández

Chelsea XI: Thiago Silva, Azpilicueta, Alonso, Jorginho, Rudiger, E. Mendy, Kante, Werner, Mount, Havertz, Reece James
Subs: Lukaku, Saul , Kepa, Ziyech, Loftus-Cheek, Kenedy, T. Chalobah, Pulisic, Sarr