November 10, 2023; MNF president Zoramthanga'n, “Pathian leh mipui zarah kan sawrkar leh ngei ang a, chak zawkin ram hi kan kai hruai leh ngei ang” a ti.

Vawiin ah Mizo Hnam Run chhung inkhawm neih a ni a. He hunah hian MNF President Zoramthanga Chief Minister chuan thusawiin, MLA Inthlan 2023 chu tluang tak leh harsatna lian tham awm lova kan nei thei chu lawmawm a tih thu a sawi a. MNF official candidate zawng zawngte an tlin theih nan thei tawp chhuahtute chungah lawm thu a sawi.

Zoramthanga chuan “MNF chu Pathian remruat ang zelin kan kal a, kawng engkimah Pathianin MNF chu tha a tih ang zelin hun min ruatsak zel a, a remruatna tuma dal theih a ni lo a, Pathian in tha a tih ang zelin kan chungah rem min ruatsak a ni,” a ti.

MNF kan sorkar chhungin Covid19, lirnghing, ramri buai, ram buai etc. in min chimbuai lai pawh khan kan tan Pathian in rem min ruatsak angin MNF party chu mipuite tan ding kan nihna angin mipuite tan a harsatna awm lo thei tur ang berin kan kal a, Pathian in tun hun hi min hruai thleng ta a ni," a ti bawk.