Aizawl: Mizo Zirlai Pawl (MP) chuan technical course hrang hrang zirtur thlannaah Chakma lawmzâwng zawng lo turin Mizoram sawrkar a beisei tih an sawi. Nimin khan Aizawl Press Club-ah chanchinbumite kawmin MZP hruaitute chuan Technical Course hrang hrang zir tur thlan chungchangah dan hman mek-a categoty-I a tel tur hrilhfiahna ‘Indigenous (Zo-Ethnic) people of the state of Mizoram’ a tih chungchangah a dinna ngaiah MZP chu a la ding reng tih an sawi a. ‘Mizoram Quota-a technical course zir tur thlan naah ram leilung fate huang Category I-ah Chakma dah turin chhuanlam a awm tawh lo tih hi Mizoram sawrkar hian hria se, Category I-ah ram leilung fate chauh dah tawh turin thuneitute kan ngen lawk a ni,’ an ti. Mizoram Chakma Students’ Union (MCSU) te'n Mizo Quota-a Technical Course zir tur thlan dana Mizoram sawrkar an khinna Court-in a titawp chu Zofate tan rahbi niin an sawi bawk.