Mizoram Football Association buatsaih MFA Cup 2022 vawi 20-na chu Keifang Centenary Football Ground-ah final khel niin Aizawl District aiawhtu Kanan chu 1-0 a hnehin FC Vengthlang North, Champhai District an champion. 

District 11 atangin District aiawh club pakhat theuh an tel. Champion club hian trophy bakah pawisa fai ₹100,000/- an dawng a, pahnihna Kanan FC-in ₹50,000/- an hawn bawk. Champion FC Vengthlang North te hian fair play an dawng a, best player-ah Lalramsanga, Champhai thlan niin goal nga khungtu Jeremy Laldinpuia, Hnahthial chu top scorer a ni bawk.
 
He inkhelhah hian first half chhungin goal a lut lo va, second half tan a nih hnuah pawh goal a lut thei mai lo. Semi-final a Lunglei District aiawhtu Chanmari FC hnehtu Champhai, FC Vengthlang North lamin substitution siamin Laltlanzova a rawn tlan lut a, minute 20 chiah a awmtawh tihin goal awmchhun leh chakna goal hi a rawn khung ta a ni.