ZALEN December 7, 2024 : Champhai Excise leh Assam Rifles tangkawp chuan nimin leh vawiin khan hmun hnih atangin Heroin Gram 351 an man.

Vawiin December 7, 2024 (Inrinni) chawhma Dar 10 khan Champhai Excise & Narcotics Staff te chuan Zotlang, Champhai-ah Heroin 303 grams (Sahbawn Bawm 25 a dah) leh a neitu a puh Lalsangzuala(44) S/o R. Manlian (L), Kanan veng, Champhai ni a inchhal chu an man.

Nimin December ni 6, 2024 chawhnu dar 2:55 khan Champhai Excise & Narcotics staff leh 42nd Bn Assam Rifles te chuan Zote leh Tiau lui inkar, Champhai District-ah Joint Operation neiin Heroin 48 grams (Sahbawn Bawm 4 a dah) leh a neitu a puh mi 2 (pahnih) Keddy Zosangliana (23) S/o Lalbiaknunga, Tachhip, Aizawl District leh Lalrinliana Kum 21 S/o Zaitinrema, Tachhip, Aizawl District ni a inchhalte chu an man bawk a ni.

Ruihhlo vanga man te hi The Narcotics Drugs & Phychotropic Subtances Act 1985 tlawhchhanin thubuai samsak nghal an ni a, vawiin khan District & Session Court, Champhai ah hruai nghal an ni.