ZALEN April 8, 2026: Champhai Police chuan a hnuaia tarlan ang hian tunhnaiah Heroin gram 100, cheng nuai 20 man hu an man:

1. Dt 07.04.2026 tlai dar 4:30 PM khan Champhai Police team, Chhungte dai (Chalbawiha Junction, (Khankawn Check Gate piah)-a patrolling te chuan mi pakhat, kawng sira thu chu ringhlelin thu an zawt fiah a, he mi hi Lalbuatsaiha (21), Tlangsam khua nia insawiin, a bulhnai hnim karah ruihhlo a thuhruk thu a sawi a ni. A inpuanna bawhzuiin a sawina lai vel hi dap a ni a, Heroin gram 48, (hawng 4), ₹ 9,60,000/- man hu, sarang duma dah hmuh a ni.

 Amah bakah hian mobile phone pakhat man tel niin, Champhai Police Station C/No. 51/26 dated 07.04.2026 under Section 21(b) of the ND&PS Act ziah luh a ni. Chhui zuina atangin he thila inhnamhnawih midang pahnih, Lawmnasanga (40), S/o R. Lalrinmawia, Khawhai khua leh Lalrinthangi (35), D/o Zohmingliana, Tlangsam khua te pawh man belh leh an ni.

2. Dt. 06.04.2026 zing dar 7:00 AM khan Champhai Police, Chalbawia Junction, Khankawn Check Gate-a duty te chuan lirthei veivak an check a, Sumo pakhat(Regn. No. MZ-02B-0743) Champhai atanga Aizawl lam pana kal chu check in, Heroin gram 52, sahbawn bawm 3 leh plastic bawm 2 a dah, ₹10,40,000 man hu chu a mi chuang pakhat, Lalpekthuama (30), Seling (Bethel) hnen atangin an man. Champhai Police Station C/No. 52/26 dated 06.04.2026 under Section 21(b) of the ND&PS Act ziah luh a chhui chhunzawm zel a ni.

#ZalenNews