November 10, 2023; Champhai zawl a I LOVE Champhai tih an siam chu nimin khan hawn a ni.

Champhaia khuarel mawina humhim duhtu pawl pakhat Champhai Nature conservancy in New Champhai leh Zotlang inkar kawng ngila I LOVE Champhai tih an siam chu nimin khan mipuiin thla an lakpui theih turin an hawng a, Champhai zawl mawina ti zualtu tur a nih dawn avangin a enkawl kawnga thawhpui tur leh dim hram hram turin mipuite an ngen.

Champhai Nature Conservancy chuan kumina an pawl project-te zingah I LOVE CHAMPHAI siam hi telhin, a siamna atan hmun hrang hrang an survey hnuah tuna an siamna hi an thlang a. Champhai Nature Conservancy-in I LOVE Champhai tih an siam hi Champhai South bialtu MLA TJ Lalnuntluanga'n a sporsor niin, mi thilphalte thawhkhawm leh CNC-in sum an neihsa hmanga an siam a ni a, October ni 4 atang khan a siam hna hi thawh tan a ni a, nimin khan an hawng ta a ni.