WBO, WBA leh IBF heavyweight title kawl mektu Anthony Joshua chuan a belt kawl lai zawng zawng thapin hneh loh la tawng lo Ukrainian undisputed cruiserweight champion hlui Oleksandr Usyk hmachhawn turin boxing ring a rap leh dawn ta.

He Briton hi a inhnek hnuhnun ber chu December 2020 daih tawh kha a ni a, hemi tum hian a belh kawl lai pathum hi thap vekin Kubrat Pulev a hma chhawn a nih kha. Wembley SSE Arena, London-ah inhnekin a tumpui pa hi round kua-naah a knock out a ni.. '

AJ hi a professional career-ah boxer pakhat chiah hmaah a la tlawm a, kum 2019 khan Andy Ruiz lakah tlawmin a kawnghren zawng zawng a chan vek. Mahse, Joshua chuan hemi kum vek hian tum nawn lehin a hneh let leh thei a ni. 

Tun tuma a tum tur Oleksandr Usyk hi boxer namai lo tak niin fight 18 a neih tawhah ala chak vek thei a, a professional career-ah hneh loh ala nei ngai lo. Usyk-a inhnek hnuhnu ber chu October 2020 daih tawh kha niin Derek Chisora chu unanimous decision-in a hneh a ni.

Ukrainian hian theihna sang tak nei mah se heavyweight category-ah tum hnih chiah ala inlan thung. He inhnek a chak zawk hian Tyson Fury leh Deontay Wilder te tum thum inhnek naa chak zawk zawk tum lehin undisputed heavyweight champion nih theihna hun tha an nei ang. 

Joshua leh Usyk te hi Tottenham Hotspur Stadium thar London-ah an inhnek dawn a, Tottenham  stadium thara inhnekna hmasa ber tur a ni. Anni bakah hian fight hmuhnawm tak tak hmuh tur a awm dawn a, mahse tv lamah an pechhuak dawn lo thung.