Hnial rual lovin European football-ah chuan  Champions League hi inelna lian ber a ni a. He competition lianah hian mimal hming chher tam tak an awm thin a ni. 
   

He tournament hi a ropuiin a len em avangin goal khungtute chauhin ngaihsan an hlawh lo va, mi goal thung tur siam saktu pawhin ngaihsan an hlawh hle thin a ni. Champions League-ah hian  world-class player thahnem tak kan hmu thin a ni. 
 

  He tournament-ah hian footballer ten chauna tam tak an hmachhawn thin a, player then khatin team tana thahnem ngai taka an khelh laiin thenkhat erawh mahni tanghma ngaihtuahin an lar leh hming thanna tur an ngaihtuah fo bawk thin. 
 

  Champions League chanchinah hian playmaker ropui tak tak kan hmu fo thin a, then khat chu an teammate tena goal an thun theihna tura thawhhlawk tak tak an ni. Tun tumah chuan an player pui te goal thun tur siam kawnga thawh hlawk zual i han en dawn teh ang.

#5 Xavi Hernandez & Neymar
    Xavi leh Neymar hi kum rei lote liam ta chhung khan Barcelona tana player pawimawh ber pawl an ni thin a. Barcelona hian an vanglai chuan khawvel playmaker tha ber ber an kawl hin a, chung zingah chuan Xavi Hernandez leh Neymar te hi a langsar zing ami an ni ngei ang. 
   

Xavi hi midfield lama  Barcelona kulh pui a ni a, Spaniard hian Catalan club tan Champions League bikah game 151 khelin assist tum 30 zet a nei. A elpui leh a khelhpui thin  Neymar pawhin he tournament ropuiah hian tum 30 zet a nei ve tawh bawk. Mahse, heng a assist hi tum 17 Barcelona tan niin tum 13 dang chu tuna a khelh mekna club Paris Saint-Germain-a a assist an ni thung. 

#4 Ryan Giggs
 Ryan Giggs hi he tournament ropui a goal khung thei upa ber a ni a, player hmingthang  tak a ni lo chungin amah anga Champions League chanchina hmingtha leh hlawhtling hi an tam lo hle. He Welsh pa hi football khel tur renga din niawma mawiin a vanglai chuan a ropui a, Premier League trophy pawh tum 13 zet a chawi a, he bakah hian FA Cup tum 4 leh Champions League tum hnih a chawi a, trophy ropui leh langsar lo phei chu vawi duailo a chawi tawh. 
   

Manchester United-a a khelh lai chuan Giggs hi an innghahna player pawimawh ber pakhat a ni a, a pace te, a dribbling ropui lutuk leh tlachawp hman thiamna ril tak a nei hian a ropuina a belh chhah a, Ryan Giggs hian Champions League season 5 chhungin assist tum 31 a nei thei ngat a ni. British player zingah he tournament-a goal khung hnem ber a ni bawk.

#3 Angel di Maria
 Argentine Angel Di Maria hi kum zabi 21 chhunga  playmaker tha ber pawl nia sawi a ni thin. 

Champions League-ah hian a ropuina leh theihna tam tak min hmun tir a, amah Angel di Maria hi hming langsar vut si lo va team tana player thawh hlawk tak a ni. He Argentine attacker hi club langsar tak takah a khel kual nual tawh a, kum  2010 atanga 2014 chhung khan Los Blancos tan khelhin Real Madrid player tha ber zing ami a ni a, tuna a khelh mekna Paris Saint-Germain tan hian assist kawnga player thawh hlawk ber a ni leh a, assist  110 zet a nei tawh. Di Maria hian Champions League bikah chuan assiat tum 35 nei tawhin pathumna a ni.

#2 Lionel Messi

Paris Saint-Germain player duat lai Lionel Messi hi chu kan hre vek awm e, mi dang a siam sak thin mai bakah goal a thun thei em em a ni. Barcelona-ah season 17 zet hmangin hnuk ulh teuh chungin a hmangaih leh chher chhuaktu Spanish club lian Catalan club chu nikum khan a chhuahsan a nih kha. 
   

Messi hian tum 4 zet chu Champions League trophy hi a chawi tawh a, tum riat zet hat-trick siam tawh bawkin he competition-ah hian a mikhual lo hle. 
Argentine forward Messi hian Champions League bikah assist tum 36 a nei tawh a ni. 

#1 Cristiano Ronaldo

Cristiano Ronaldo hi tun nipui lai khan a club khelhna thin  Manchester United lamah a let a, a ropuina hi sawiin-asiak lo tih hial tling a ni. Portuguese superstar hi a club khelh tawhna apiangah a hlawhtling em em thei zel lehnghal. 
   

Inkhelh a thim a, a khelhna club tan a che tha thei em em bawk, a bik takin Champions League bikah hian a theihna a lantir nasa hle a, Ronaldo hian he tournament ropuiah hian goal 140 zet thun tawhin ani ang renga goal thun thei hi an la piang lo. Portuguese forward hian Champions League  title tum 5 zet a chawi tawh bawk. 
   

He tournamentah hian C. Ronaldo hian khel tam tawh berin tum 182 a inlan tawh a, Manchester United striker Ronaldo hian a thin te goal thun tur tum 42 zet a siam sak tawhin assist ngah ber a ni bawk.