- Rev. L.Rema 1. Matt. 16:13: Isuan Filipa Kaisari bial a lo thlen chuan miten mihring fapa hi tunge a ni an tih? tiin a zirtir te chu a zawt a. Filipa Kasari tih hi khua a ni a, Galili dil Hmar lam Mel 25 hla ah a awm a ni. Heroda Ropuia fapa Filipa hmingchawia a phuah a ni. Isuan a ziritr 12 te hnenah miten amah Isua hitunge a nih? Tunge nia an hriat, miten an sawi dan a zawhna tawngkam a ni ber a, a zirtir ten engtin nge an chan? 2.?Matt. 16:14: Anni chuan thenkhatin Baptistu Johana an ti a, thenkhatin Elija an ti a, thenkhatin Jeremia emaw Zawlnei tu emaw an ti tiin an chhang a. Isua zirtirte chuan miten an ziritrtu Isua an hmuh dan, an hriat dante chu an han sawi den den a, thenkhat chuan Baptistu Johana a ni an tih thu te, thenkhatin Zawlnei Elija a ni an tih thu te, leh thankhatin Jeremia emaw Zawlnei tua emaw a ni an tih thu a zirtirten an sawi a hriat chuan miten amah an hriat chian lohzia a hriatin, pawi a ti hle a ni ang. 3.?Matt. 16:15: Ani chuan an hnenah, “A nih nangnin tunge nia min hriat?” a ti a Helai chang tawite han chhiar chuan Matt. 16:14-a Isua zawhna (Question) kha a zirtirten an chhanna (Answer) a hriat khan miten an hriat chian lohziaah khan lungawina a hmu lo ni berin a lang. Chuvangin, a zirtir 12 te hnenah a nih nangin tunge ka nih? Tunge nia min hriat? tiin a zawt nawn leh a, tunge ka nih? tunge ka hming? titein a zirtirte chu chiang takin hmai hmaah (live-in) a zawt a ni bera. Isua hian thil tum neiin a zirtir te hi a zawt chiang hle a ni. Chhanna pawh dik tak a duh a ni tih a chiang hle a ni. 4.?Matt. 16:16: Tin, Simon Petera’n, “KRISTA PATHIAN NUNG FAPA chu i ni e” a ti a, a chhang a. Matt. 16:16-ah hian Isua zirtir te zinga huaisen ber Petera chhanna Answer kan hmu a, a ropui hle. Isua pawh hian Petera chhanna chu a dikin a famkim hle, Isua chu Krista a nih thu leh Pathian nung fapa a nih thu chiang takin Petera’n a puan hnu hian Krista chuan... 5.?Matt. 16:17: Tin, Isuan a hnena, “Simon Barjona i eng a thawl e, tise leh thisen in a hriattir che a ni si lova, ka pa van a miin a hriattir zawk che a ni. Matt. 16:16 Isua zawhna Petera’n Krista Pathian nung fapa chu i ni e, tia a chhang kha Matt. 16:17 ah chuan Isuan Petera hnenah tisa leh thisen in a hriattir che a ni si lo va, tih hian Petera pianpui finna emaw Petera irawm chhuak ni lovin ka pa Vana miin Thlarau Thianghlim kaltlangin a rawn hriattir che a ni, tiin Petera hnenah a lawmthu a sawi ti ila a dikin a pawmawm hle a ni. Matt. 16:17 thu hi Isua zawhna Question chu Petera chhanna Answer hi a ropui takzet a ni. Petera chhanna atang chuan Isua chu Krista tia thlak a ni a. Chuvangin, Isua pawh Krista Pathian nung fapa tih hi a dik a, a lungawithlak hle a ni. Chuvangin Isua ti tawh lovin Krista tiin kan sawi tawh ang. 6.?Matt. 16.18: Tin, nang Petera i ni tih ka hrilh bawk a che. He lungpui chungah hian ka Kohhranho ka remchho anga, mithi khawkulh kawngkhar te chuan an ngam lo vang. Matt. 16:17-ah khan Petera’n Isua nihna chu Krista Pathian nung fapa a nih thu a puanchhuah chiah khan Krista chuan Petera leh a zirtir te hnenah: He Lungpui chungah hian ka Kohhran ho ka rem chho anga tih thuin a rawn chhunzawm a, Kriata Pathian nung fapa chuan ka Kohhran ka rem chho ang a tih nghal avangin Krista Kohhran tih hming chu Vana Pathian in a rawn phuahsak ta tih hi Pathian thu dik Pathian duh zawng Pathian lawm zawng Krista lungpui chugna remchhoh Krista Kohhran tih a ni. A hun hi AD 34 kum bul lam turah chhut ila, kan chhut sual lo turah ngai ila a tha ang e. Tin, Krista chuan Krista Kohhranhote chu thiltihtheihna Power-in a thuam chhunzawm a, mitthi khaw kulh khawngkhar pawhin Krista Kohhran chu an ngam loh tur thu a puangchhuak nghal a ni. A va ropui em, Krista Kohhran hlutzia thihna pawhin a ngam loh Kohhran a nihzia a rawn tarlang hi a ropui tak zet a ni. Krista Kohhran hi Pa leh Fapa leh Thlarau Thianghlim inthuruala din a nih avangin, khawvela kohhran dang zawng zawng te nen engti zawng mahin a intluk thei lo Krista leh Kohhran hi alak hran emaw sawi hran emaw Krista leh Kohhran inkarah (,) dah chi pawh a ni lo. Krista Kohhran tia ziah mai hi Krista duh zawng a ni. Krista Kohhran hi Pa leh Fapa leh Thlarau Thianghlim inpumkhat an nih avangin Pathian nung Kohhran ti pawhin a sawi theih a ni. Krista Kohhran chauh lo chu Pathian Kohhran dang a awm lo. Chuvangin Krista Kohhran chauh lo chuan Aw Lalpa kan Pathian i Kohhranhote min veng a, min hruai avangin lawmthu kan hrilh che tih hi sawi loh a tha, i Kohhran kan tih chuan Pathian Kohhran tih leh Krista Kohhran tihna a ni. 7. Matt. 16:19: Vanram chabi ka pe ang chia lei chungah engpawh i phuar apiang Vanah phuar a ni ang a, lei chungah engpawh i phelh apiang vanah phelh a ni ang, a ti a, a chhang a. A chunga kan tarlan tawh ang hian Krista chuan a kohhrante hnenah Vanram chabi pek a tiam leh ta a; a va ropui em. Vanram chahbi hlutna chu, thu mai chuan kan sawifiah phak lo, Kristain Vanram hawnna chabi, vanram luhna chabi a pek Kohhran chu Krista Kohhran chauh hi a ni kan ti thei awm e. Vanram chabi kawltu Krista Kohhran a ropuizia a duhawmzia, a hlutzia, a mawizia sawiin a siak lo a ni ber mai. Kristain a Kohhran a rintawkzia sawinaah ngai ila, Krista Kohhran zahpuitu chu Krista’n a zahpui ve ang. Tin, Krista Kohhranin lei chungah engpawh a phuar chu Vanah pawh phuar a ni ang a, lei chunga engpawh a phelh chu Vanah phelh a ni ang. Lei chunga Krista Kohhran leh Vana Krista Kohhante chu Kristaah chuan an inzawm vek a ni. Thup. 11:16- Upa 23-te kha Krista Kohhran aiawhtute an ni Kristain leiah a Kohhran a din tirh khan a zirtirte nen member 120-in bul an tan Tirh. 1:15- Krista Kohhran chauh lo chu vanram chahbi kawl kohhran dang reng reng he khawvelah hian a awm lo. Khawvel chu sawi loh, kan Mizoram ngeiah pawh Krista Kohhran ni lo hming dang pu Kohhran chhiar sen loh kan awm, Krista hian ama din Kohhran chauh lo chu vanram chahbi a pek Bible-ah kan hmu lo, Vanram chabi neituin a Kohhran chauh lo chu Kohhran nazawng a pek thu khawiah mah hmuh tur a awm lo. Vanram chabi kawl Kohhran ni si lo va, kan Kohhran member-te hnenah vanram chahbi khawl anga kan inzirtira kan infuih hi sim a tha hle. 8. Matt. 16:20: Chumi zawhah chuan Krista a ni tih tumah hrilh lo turin a zirtir te chu a ti tlat a. Isua khan mi tam tak a tidam a/thil mak tam tak te a tih avangin hetiang mi tam tak a tihdam te leh thilmak tam tak a tih thin avangin tihdam beisei ringawta a hnenah an lo kal loh nan Krista a ni tih tumah hrilh lo turin azirtir te chu a ti tlat a ni tih hi pawm a nuam mai awm e; A tawp berah chuan chanchintha Matthaia 16:13-20 inkara Isua Krista leh a zirtir 12-te inbiakna hian Krista Kohhran a din thu leh chu Kohhran chu mitthi khaw kulh kawngkhar te chuan an ngam loh tur thu te, vanram chabi pek a nih thu te chiang takin Pathian fapa Isua Krista ngeiin a pa Pathian leh Thlarau Thianghlim tangkawp ten Krista Kohhran an din a nih avangin Kohhran dik, Kohhran ropui, belhtlak a nihzia, uar taka tlangaupui tur a ni. Mihring chuan Kohhran hming hrang hrang phuahin din mahsela, Krista Kohhran anga Vanram chabi Kristan a pek ve loh avangin, huaisen taka vanram kan kal theihna tur kawng tha ber kan thlan thiam a va tha em!!