ZALEN May 28, 2026: Chanmari Local Council leh Chanmari Branch YMA chuan tunhnaia Chanmari Veng chhunga lirthei khalh fimkhur loh avanga chetsualna leh thihna hial a thlen bakah insual buaina thleng thin chu pawi a ti a. Hetiang a thlen tawh lo nan May 29, 2026 zanah 'Save Chanmari' hawnna nei dawn.

Hemi chungchang ngaihtuah hian May 27, 2026 (Nilaini) zanah Chanmari Local Council leh Chanmari Branch YMA chuan emergency meeting a nei a. Heng a hnuai ami ang hian hma lak tum a ni:

1. Chanmari veng mipuite leh veng chhunga rawn lawilutte him zawk nan Chanmari mipuite leh security-te an duty tawh ang.

2. May ni 29, 2026 (Zirtawpni) zan dar 9:30-ah Chanmari kawnah duty hawnna hun neih a ni dawn a. He hmalakna hi a hmingah ‘Save Chanmari’ vuah a ni. He hunah hian Chanmari veng mipui veng himna atana thahnem ngaite rawn pen chhuak turin an inngen.

3. Chanmari vengchhungah lirthei chak taka tlan thin leh buaina siam chingte fimkhur hle tura hriattir an ni.

4. Dan bawhchhe tute chu an phu tawk hremna an hmuh ngei theih nan hma lak a ni ang.