ZALEN March 2, 2026: KTP general conference neih hun nen a inrual avangin Chapchar Kut hman hun sawn a ni tih Art & Culture minister in house a hrilh.

Vawiin assembly budget session zawhna leh chhanna hunah member te zawhna chhanga he thu hi sawiin, Chapchar Kut hman hun chu kum tin March thla Zirtawpni hmasa ber a nih thu leh hemi rual chiah hian KTP in gen. conference an nei ve bawk tih a sawi, "Organising committee in ngaihtuahna a seng a, sawrkar lam zawk hi kan tawlh thei ang tiin, kumin atangin sawn a ni a, hei hi kum tin hman tur a ni tawh ang," minister chuan a ti.

Chapchar Kut organising committee in ruahmanna a siam dan chuan, kum tin March thla Zirtawpni vawi hnihna ah Chapchar Kut hman thin tawh tur a nih thu Art & Culture minister chuan a sawi bawk.

#ZalenNews