Aizawl: Nimin chhun dar 12 khan Central YMA Committee room ah Central YMA, lirthei neitu pawl hrang hrang leh sumdawng pawl ten Chapchar Kut urlawkna hun an hmang. Kut urlawkna hun hi CYMA Vice President Lalngheta Ralte chuan a kaihruai a, pawl hrang hrang kalkhawmtre chuan Chapchar Kut hman chhung hian lirthei khalhtu leh puitu te zawng zawng chu Mizo hnam thuama inthuam nise an ti a. Sumdawng pawlte leh Zohandfed pawhin Kut pual hian Feb. 26 atanga March 2, 2018 inkar chhung an thil zawrhte a man tlawm (discount)-a hralh an remti a. Mizofed pawhin an petrol pump te Mizo taka chei an tum tih an sawi bawk.