Manipur-a Zohnah thlak harsatna tawk mekte tan charity concert buatsaih a ni leh dawn. Charity Concert for Manipur hi Zohnahthlak Christian Network buatsaihin neih a ni dawn a, August 17 leh 18 zanah Vanapa Hall-ah neih a ni ang. 

He hunah hian zaithiam hrang hrang an zai dawn a, Mizo artist tha ber ber an inlan ang. Zai tur zingah hian - David Darlong, Siampuii Ralte, Jauvi leh Zaii Hauchhum te pawh an tel. Anni bakah hian G'nie, Zoramchhani Band, Kimkima, Vanlalhmangaiha, Angaihtei, Pricilla leh Wendy te an zai dawn bawk. Mipui ngaihven ber tur pakhat chu Opa (Tribal Power) leh a thiante zai tur hi a ni bawk ang. 

He charity concert atan hian - ZCN, Zorimawi, Rainbow Mizo Channel, Alpha Mizo Production, Elite Studio Production leh Mizo Official Channel te chu media partner tur an ni bawk. Mizo mipuite kan unau Zohnahthlak harsatna tawk mekte tan ke pen chhuak leh ang aw.