Aizawl: Mizoram Underground Returnees Association (MURA) chuan rorel lai, MPCC nena inremna an ziah tihpuitlin ngiatin an office ah chaw an la nghei chhunzawm zel. MURA chawngheite hi an vaiin mi 16 an ni a, an thilphut a hlawhtlin hma chuan chaw nghei hi tawpsan an tum lo niin press mite an hrilh. Tun dinhmunah damdawi in panpui an la awm lo a; mahse, kum upa lamte an nih tawh avangin thenkhat chu an chau tan tawh. MURA hian June 6, 2018 atang khan chawnghei hi an tan a, MPCC ngenna avangin June 15 khan an titawp lailawk a. Mahse, an duh anga thil a kal loh avangin June 19, 2018 atang khan an nghei chhunzawm leh a ni.