October 14, 2023; Naik C. Lalhlimpuia (traffic police), a duty lai a zirlai exam tur tanpuitu chuan Aizawl SP atangin lawmman hlu tak a dawng a, DIG (NR) in cash reward a pe bawk.

Media Cell, Aizawl traffic police tarlan danin, traffic police-ten an phak ang tawka an hnathawh hlutsaktute avangin, an thawhpui Naik C Lalhlimpuia, 5th IR Bn. atanga traffic unit a attached a awm mek chuan lawmman hlu tak a dawng tih an tarlang a.

Hemi chungchang a ZALEN thudawn danin, hnathawh that avanga a huhoa lawmman dawn ni lo, hetianga mimala chawimawina dawn hian ngaihlut a hlawh zual, DIG(NR) in cash reward a pek nghal bawk avangin a dawngtu tan chuan achievement lian tak a ni.

Tarlan tawh angin, ni 10.10 2023 khan T. Romana College zirlai pakhat 5th Sem a mi chu driving licence ken loh vangin a college kal tur chu traffic police in an lo man a. Zirlai hian internal test exam tura kal anih thu leh an tan tep thu a hrilh a, traffic police duty Naik C. Lalhimpuia chuan a details a laksak a, seizure te rang taka a tifel sak hnu ah harsatna a tawh zui loh nan, amah ngeiin college thleng a thlah a, hemi vang hian exam tha takin a tih theih phah a, college principal leh thawktute pawhin Naik C. Lalhlimpuia inpekna an fak hle a ni.