ZALEN July 2, 2024; Khaw chhia vangin sawrkarin vawiin school chawlh a puang a, chawlh puan hun a tlai deuh nia a lan avangin school thlen hnu a haw leh zirlai an tam hle. 

School Education Department thuchhuah tarlan danin, khaw awmdan in ziaawm lam a pan loh avang leh zirlai naupangte him zawk nan Disaster Management & Rehabilitation rawtna angin vawiin (2.7.24) atan Mizoram school awm zawng zawng chawlh puan a ni.

School chawlh puanzar hun hi a tlai deuh nia a lan avangin, Aizawl-ah chuan zirlai tam tak school kal turin an chhuak tawh a, hmuh theih mai chinah pawh school an thlen hnu ah chawlh puan a ni tih hria a haw leh zirlai tam tak an awm.